बाख्रा विकास फार्म चित्लाङ्गको वेभसाइटमा यहाँलाई हार्दिक स्वागत छ

यस बाख्रा विकास फार्म समुद्री सतहबाट १७०० मिटरको उचाईमा अवस्थित रहेको छ । यसको स्थापना वि.सं.२००१ सालमा भेडा विकास फार्मको रूपमा भएको थियो । ३०५ रोपनी क्षेत्रफलमा फैलिएको यस फार्मको जमिन सबै एकनाश नभएर भिर, पाखा, डाँडा, खोल्सा, चरन क्षेत्र र खेतवारीको अवस्थामा छ । यस फार्मले शुरुवातमा स्थानीय कागे भेडा व्यवस्थापन गरि आएतापनि स्थापनाको एक दशक पछिदेखि करीव तीन दशकसम्म विदेशबाट आयात गरिएको रामवुलेट (Rambullet) थुमाबाट स्थानीय कागेभेडीहरूलाई प्रजनन् गराएर वर्णशंकर पाठापाठी उत्पादन गरी काठमाण्डौ, ललितपुर, भक्तपुर लगायत पूर्वमा खोटाङदेखि पश्चिममा वागलुङसम्म ती वर्णशंकर थुमा र पाठीहरू वितरण गरि स्थानीय भेडाहरूको नश्ल सुधारमा उल्लेख्य योगदान दिई आएको इतिहास पाइन्छ । पछि आ.व. २०४३/४४ मा मेरीनो थुमा ल्याई स्थानीय कागे भेडीमा प्रजनन् गराइएतापनि त्यसबाट उत्पादित पाठापाठी राम्ररी हुर्कन नसकेको र मेरीनोको लागि यहाँको हावापानी प्रतिकूल भएको महशुस गरी पुनः रामवुलेट संगको क्रसलाई नै नियमितता दिंदै उन्नत चरनघाँस कक्सफुटको क्षेत्र बृद्धि गरी उक्त घाँसको विउको स्रोतकेन्द्रको रूपमा समेत यस फार्मले कार्य गर्दै आएको थियो ।>>View More>>